شعر
ما أصعبك ع القلب يا تشرين
جايب معك أخبار ملويّة
ودموع تجري دوم ع الخدّين
وتصيح بكّر ع السفر بيّي
بعدك يا بيّي صغير في العشرين
ما كان فيّي شوفك شويّة
فتّحت عيني وقلت بيّي وين
طالت يا إمّي غيبته عليّ
عم بتقوليلي غاب من شهرين
ودمّه نزل ع تلال رملية
والروح طلعت ع السما تخمين
عم بتناجيني بكلّ حنيّة
مثل الملاك الفارد جناحين
صبح ومسا بيحوم يومية
بقللوا يا بيّي ناطرة من سنين
ترجع لعنّا تقول يا بنيّة
الجسم يفنى والعظام تلين
وفي تراب تحت الأرض مرمية
والروح سرّ الكون والتكوين
بتظللها بهالكون مبنيّة