spacer
Advertisement مقال مختار من العدد 69
المرحوم الشهيد نبيه مرعي
spacer
spacer

أعداد المجلة

العدد 142
العدد 141
العدد 140
العدد 139
العدد 138


 
قصيدة بيت الشهيد الدرزي طباعة ارسال لصديق
شعر : شحادة ناطور
يا    بيت    نادي  لصاحبك    تايقوم    ويشوف شو اللّي  صار في  غيابه
من يوم ما   ماتت   صاحبة    البيت    وما   عاد   فيها      تدخل    عتابه
صفّى      لحاله      يصارع       الايام     والعشب   عم  يكثر على  جنابه
لا     نار عم   تشعل    ولا     قناديل    ولا  ضيف   عم     بيدقّ    ع   بابه
هالبيت   ياللّي    تعمّر    من   بعيد    من   قبل   قرن   وزاد  في  حسابه
جدّي   وجدّك      هالارض     اعطوه    مبروك   قالوا   يكون  ع   صحابه
والسير     لمّا       شاف     نخوتهم    هو      ومرته        فتّح        جيابه
عدّ     المصاري       لبني       الاتراك    ونادى     يا   أهل   البلد  لا تهابوا
كل     الضرايب    عنكم   بتنشال    ما  في   حدا   يدفع  من  حسابه
ويظلّ    قايم     ع    المدى    هالبيت    مفتوح    لاهل   البلد    وصحابه
يا   ما     ليالي    تعمّرت    سهرات    وغدوات  مع  عشوات  في  رحابه
تا     يوم      فيّو      ودّعت    ايليس    بعد    المرض    هالصابها    بنابه
قالت      امانة     يا     رجال    الحيّ    هالبيت    بدّي  اندفن   في  ترابه
من   بعدها   سافر   لأهله   السير    والدار    بكيت    اهلها    الغابوا
ما   ظلّ  منهم  غير  نصب  صغير    ع   قبر   مبني   رخام  ع   جنابه
ما   عاد  من   يوما   انفتحله   باب    والعشب  غطّى   على    شعابه
صارت    خرابة     وجوّها    مهجور    والبوم    عم    ينعي   مع   غرابه
والناس      ظلّت   تنقل    حكايات    وتقرا    تاريخ   البلد   في  كتابه
مرّت     سنين      وبعدها      اعوام    وهالبيت  واقف   يندب   صحابه
والبلد    كبرت    والشباب   تجندوا    ع  الجيش  راحوا  وقسم  ما  آبوا
ياما       صبايا       ترمّلت     بكّير    واطفال    ذاقوا    اليتم    وعذابه
والام   عم   تبكي   ع   ابنا   الراح    وتشمشم   الريحة  على   ثيابه
والبيّ   يمسك    صورته     ويصيح    زفّوا   العريس    وفرّحوا   احبابه
ايام   تمضى   وينتسى   اللّي   راح    وما  نعود  نفطن  في اللّي راحوا
تا    يوم   شعّ   الامل   في   الناس    ودغدغ      قلوب     وتارها    ذابوا
هالدار    الكم    يا    بني  معروف    بيت    الشهيد    نرسّخ    عتابه
لطفي الفقدته في النقب ما يوم     فرّقت       بينه      وبين      اترابه
وجنودنا    الماتوا    ع    خط   النار    واستشهدوا في الحرب  ما هابوا
ضحّوا بحياتم في  الوغى  تنعيش    عزّ  وكرامة    في  موتهم  جابوا
 
< السابق   التالى >
 

من ألبومات الصور

spacer

spacer
© 2018 العمامة
Joomla! is Free Software released under the GNU/GPL License.