spacer
Advertisement مقال مختار من العدد 97
من مقدساتنا: الخمسة الكبار
spacer
spacer

أعداد المجلة

العدد 137
العدد 136
العدد 135
العدد 134
العدد 133


 
تمنيت شوفك يا علم لفاتنا طباعة ارسال لصديق
قصيدة الشاعر طليع حمدان في الاحتفال الذي جرى لاستقبال فضيلة الشيخ أمين طريف في بيت الأمير مجيد أرسلان في عاليه عام 1983  ألقيت


تمنيت شوفك يا علم لفاتنا             طلّيْت من خلواتك لَخَلواتنا
يا شيخ من صلّى وحمل أشرف كتاب        مستقبلك بقلوبنا ودمّاننا
وتا يخف عن ها الطايفة حمل العذاب        مثل طلاّتك ع لبنان الحزين
            بدنا يطلّوا من الشرق سيداتنا
وَيْنَك يا شيخ العقل يا شيخ العقول        يا بيّ فضلك عَ الكبير وعَ الصغير
عمر السنة محسوب من أربع فصول        وحنا فصل واحد بتقرير المصير
ذات الزرع ذات العطا ذات الميول        ذات الزهر ذات النحل ذات الفقير
ميثاق واحد ما عرف نجمه الأفول        وجسم واحد بالجوانح عم يطير
ولولا انظلمتا هون بسنين الخمول        أهل الجليل بيحملوا عنا كثير

هلق لطايفتي شو بدّي قلها            راح قلّها كلمة بتجي بمحلّها
تأكد يا نصر الدين يا سيف صقيل            ها الأرض زهّر من دِمانا فُلّها
الأرزة اللي نحنا وعمرها من فرد جيل        بتذبل إذا نحنا تركنا ظِلّها
هون راح منظل با شيخي الفضيل        فالأرض من دمّ الشبيبة نبلها
وهيك بقوا في أرضون دروز الجليل        ولو مثلهن كل الخلايق يعملوا
            ما وصلنا للمشاكل كُلّها
الدرزي اللي قلبه للسلام بنفسجي        وعزمه بيوم الحرب مدفع حربجي
علّمه سلطان باشا ومنهجه            يبقى بأرضه ال بالرجال مسيّجي
وهيك الجنبلاطي اللي فيه توّجوا            قال عيشوا بأرض فيكن منتجي
جبتوا على البيت اللي الله سيّجوا            من إسرائيل بها الظروف المحرجي
مش أول المرّات ع البيت يتجوا            جيتوا كثير وصوبكم رُحنا كثير
            بفضل التقمّص عم نروح وعم نجي
وحياة طُهر الشيخ بو يوسف أمين        والشيخ عارف أنت سيّد العارفين
هون راح منظل نحنا يا عرب            أصحابنا ال عنّا بيقولوا خاينين
ولك قالوا بفضل موحّد بتحيا سُرب        بتعمر جزيرة عَ ركايز ماكنين
ونحنا علينا المدفع المجرم ضرب        لا رايحة الأرض ولا نحنا رايحين
ولا تفزعوا فأخصامنا ينالوا الأرب        بدها تظل الأرض فينا معلقة
            ونحنا في هالأرض الحبيبة معلقين
الله يديمك يا مير حصن لبنان البديع        ويبقى أبو شقرا بها الجاه الرفيع
يا عم بو يوسف أمين بها الديار             بدّه رضاك ولهفتك أبنك طليع     
ويا نصر الدين الأمل والانتصار            ويا سعيد الحق مش ممكن يضيع
ويا مشايخنا ويا لفات الوقار            انتو اسهروا علينا بها القلب الوديع
انتو جمّعونا بفرد باقة اعتبار            ليش عم بتفرقوا زهور الربيع
مهما القطيع يوزّعوه بكل دار            خلّوا العقل راعي تيجمع ها القطيع
نحنا جماعة لا يمين ولا يسار            في لِنا سلمان يجمعنا سوا
            وبهمّنا لبنان يبقى للجميع        
     


 
< السابق   التالى >
 

من ألبومات الصور

spacer

spacer
© 2017 العمامة
Joomla! is Free Software released under the GNU/GPL License.